La quatau edicion deu hestau Voca'Folies que's harà deu 27 au 29 de seteme a Aira. Tres dias de musica, de concèrts, d'animacions e de repèishs.

Lo Còr de Gasconha que's harà deu 26 au 29 de seteme a Eusa (32). Que's hestejarà la poma a l'escadença de la hera dab la vienuda de productors locaus.

Dens l’encastre de las Jornadas Europèas deu Patrimòni, los Archius Departamentaus deus Pirenèus Atlantics, en partenariat dab lo CIRDÒC-Institut occitan de cultura e Carnaval Pantalonada, que prepausan un eveniment hestiu a l’entorn deus hons patrimoniaus e de la cultura bearnesa.

L’Ostau Occitan / IÈO Gironda que prepausa un encontre bimensuau sus la cultura e la lenga occitana a Bordèu.

Dens l'encastre de las Jornadas deu Patrimòni, que s’i harà haut o baish 678 animacions au departament deus Pirenèus Atlantics. Ad aquera escadença, que's celebrarà la 6au edicion de « Si l'Adour m'était conté... » lo 21 de seteme au pòrt d'Urt.

Dens l’encastre de la programacion Seteme en Bearn, la Hèsta deus Aulhèrs que’s harà deu 19 au 22 de seteme a Aràmits (64).

N'ei pas enqüèra l'òra de sarrar lo carrat jaune. Hestiv'òc que tornarà lo 15 de seteme a Pau. A l’escadença de la 71au Hera de Pau, lo hestau de las culturas deu sud qu'organiza quauques eveniments dab las colors deu Bearn e de l'Occitania.

La Hèsta de la Sau qu'ei vaduda un eveniment de non pas mancar en Bearn au mes de seteme. Augan, que hesteja lo son 40au anniversari.

Lo Cap’Òc que prepausa ua adaptacion de nau istòrias deu Roman de Renart qui s’adreça aus collegians e aus liceans, a partir d’un tribalh d’Elèna Biu. L’arrevirada gascona qu’ei de Felip Biu.

L’associacion Menestrèrs Gascons que hè la rentrada lo dissabte 7 de seteme. Au programa, presentacion deus talhèrs de l’associacion entà l’annada 2019-2020 e sauts bearnés.

Patric Guilhemjoan e Clàudia Labandés qu’an arrevirat un navèth libe de Christian Voltz entà las edicions Per Noste, Beròja vita de can. Qu’ei lo son dusau libe arrevirat en gascon, après Tostemps arren ?.

La 27au Garburada d’Auloron qu’ei prevista lo dissabte 7 de seteme de 2019. Com tot an desempuish 1993, que s’i harà lo campionat deu monde de garbura.