Títol : 2nd Seminari annau en etnomusicologia de França
Quan : Divés 25 de noveme 2016
On : Villeurbanne (69)
Adreça : Le Rize, 23 rue Valentin Haüy
Organizator : InÒc Aquitània, LAHIC, CMTRA
Tà'n saber me

 

 

En l'encastre de las soas missions d'etnopòle, l'InÒc Aquitània qu'organiza augan lo Seminari annau en quate dias, lo prumèr, divés lo 25 de noveme, que's harà au Rize de Villeurbanne en partenariat dab l'etnopòle CMTRA.

Lo Seminari qu'ei consacrat augan au movement de collècta deu patrimòni musicau e coregrafic qui's hasó de la fin de las annadas 1960 a las annadas 1980 (e mei 1990) quan ua navèra generacion de practicians e vadó actritz de l'enquèsta orau.
Que vòu atau obrar a l'amassada d'informacions essenciaus entà compréner los archius sonòres uei disponibles dens los centres de ressorsas en region o au còr deus servicis departamentaus d'archius.
Per la creacion d'aqueth encontre annau, la Direccion generau deus patrimònis - Direccion de la recèrca e de la politica scientifica deu Ministèri de la Cultura qu'a volut sostiéner e valorizar la recèrca sus las musicas e las danças tradicionaus deu domeni francés e favorizar l'encontre professionau e la formacion.
Lo Seminari annau qu'ei pensat com un espaci d'escota, d'informacion, d'aprentissatge tà cada participant : cercaire, practician, aprenent de l'aute ; com un espaci favorizant la distanciacion de cap tà las practicas contemporanèas, los procèssus de transmission, de construccion deu domeni.