Qu'ei obèrt tà tots los publics e tà tots los genres : novèlas, contes, poèmas, tèxtes umoristics, letras, estudis, bendas dessenhadas... Los tèxtes que deven estar escriuts en occitan, inedits e de mens de cinc paginas A4.

Que i aurà un prèmi tà cada genre literari e prèmis especiaus taus escolars e estudiants. Las òbras mei bonas que pareisheràn dens la pagina « Mesclum » qui pareish tot dijaus dens La Marseillaise, e tanben dens l'Armanac de Mesclum de l'annada qui arriba.

Que podetz mandar los vòstes tèxtes abans lo 5 de març, de faiçon anonima, en dus exemplars a La Marseillaise – Leis Amics de Mesclum, 19 cours d'Estienne d'Orves, BP 1862 13222 Marseille Cedex 01. Que trobaratz lo reglament deu concors suu site deus Amics de Mesclum.