Lo patrimòni culturau immateriau cobèrt per la Convencion de l'UNÈSCO de 2003 qu'ei per definicion un patrimòni viu, neurit per las comunautats qui’u hèn anar.

Uei lo numeric, mei que mei lo Web, qu’obreish perspectivas prometivas tà sauvaguardar e valorizar lo patrimòni culturau immateriau en respectant la soa natura dinamica e participativa. Per aquò, l’encontre enter lo numeric e lo patrimòni immateriau n'ei pas simple. Quin las navèras aplicacions numericas e pòden dialogar dab los procediments d'inventari miats au nivèu institucionau ? Quin protegir los drets de las comunautats dens l'encastre de l'enregistrament e de la publicacion sus Internet deus lors elements patrimoniaus ? Quaus son los desfís aus quaus aqueths projèctes de valorizacion numerica e son confrontats ?

Dens aqueth obratge, coordinat per Marta Severo e Séverine Cachat, cercaires, professionaus de la cultura e mebres de las comunautats de practica qu’ensajan de portar responsas ad aqueras questions : Milad Doueihi, Hugues Sicard, Francesca Cominelli, Jean-Pierre Dalbéra, Valérie Schafer, Sheenagh Pietrobruno, Jean-Jacques Castéret, Mélanie Larché...

Tà'n saber mei