Vòts 2017 de l'InÒc Aquitània

Dimars lo 24 de genèr, l'InÒc Aquitània que presentè los sons vòts tà 2017 au Castèth d'Este a Vilhèra.

Jan Jaques Casteret, director de l'InÒc Aquitània, que tornè sus las realizacions de l'estructura pendent l'annada 2016 e sus la campanha Bona annada, abans de presentar los projèctes tà l'annada 2017.

En seguida, Lionnel Buannic d'Òc Prod que presentè Òc futura, lo prumèr globau mèdia occitan que creè en cooperacion dab los mèdias e organismes lingüistics e culturaus occitans, dont l'InÒc Aquitània.

Enfin Charline Claveau-Abbadie, presidenta de l'Ofici public de la Lenga Occitana e encargada de l'occitan a la Region Navèra Aquitània, que prenó la paraula.