Títol : Assisas de la lenga occitana
Quan : Dimars 14 e dimèrcs 15 de heurèr 2017
On : Pau (64)
Adreça : Universitat de Pau e deus País de l'Ador
Organizator : Moviment deus Estudians d’Occitània de Pau
Tà'n saber mei

 

 

Lo principi d’aquestas assisas qu’ei d’amassar los actors qui utilizan la lenga occitana o ua auta lenga dita « de França » : practicians, universitaris, ensenhaires, elejuts, directors d’institucions, tecnicians de las collectivitats, entà crear ua convergéncia d’ideas e de reflexion entà un ahortiment de l’usatge de la lenga occitana dens los País de l’Ador.

Dens un contèxte qui hè seguida a la constitucion de politicas lingüisticas per lo Conselh generau deus Pirenèus Atlantics (2005) e la Region Aquitània (2007), los objectius d’aquestes encontres que son de presentar los actors invitats entà realizar un diagnostic e un estat deus lòcs. Aquestes que permeteràn de har preconizacions entà favorizar lo desvelopament, la foncionalitat e la vitalitat de la lenga.

Tàd aquò har, que i aurà ua conferéncia inaugurau de Georg Kremnitz, ua taula redona dab elejuts locaus e talhèrs tematics sus l'ensenhament e la formacion, los medias e la difusion, l'insercion socioeconomica e culturau, las politicas lingüisticas.