L'Universitat Bordèu-Montaigne qu'intègra l'occitan dens las soas formacions de licéncia Cultura umanista e scientifica e de Master recèrca en estudis literaris.

Tà la licéncia, que se’vs prepausa un ensenhament de lenga de setanta duas òras. Los cors que’s segueishen en presenciau en prumèra annada e a distància en dusau e tresau annada. Atencion, la licéncia qu'a un efectiu limitat. Las admissions que's hèn sus dossièr e que'vs cau pausar las vòstas candidaturas abans lo 20 de març 2017.

Que podetz aver mei d'informacions sus la licéncia en contactant a Cette adresse e-mail est protégée contre les robots spammeurs. Vous devez activer le JavaScript pour la visualiser. o suu site de l'universitat.

Tà çò qui pertòca au Master recèrca en estudis literaris, que podetz seguir en prumèra annada lo seminari « Cantar la guèrra : La Chanson de la Croisade albigeoise ». En prumèra annada, que prepausan tanben un cors suus usatges non literaris de l'occitan medievau, intitolat « Los tèxtes divinatòris e magics (sègles XIIau - XVau) ». Los estudiants que pòden tanben causir de har lo lor memòri sus un subjècte ligat a la literatura occitana medievau o modèrna.

Tà'n saber mei suu Master recèrca en estudis literaris.