Títol : Accents du Sud à Paris
Quan : los 19 e 20 de mai 2017
On : París (75)
Organizator : Accents du Sud
Tà'n saber mei

 

Lo divés, qu'i aurà talhèrs, encontres, conferéncias atau com ua passejada gormanda en Party Bus entà encontrar capcosinèrs bearnés. 

Lo dissabte que serà un dia de descobèrta dedicat a la cultura, la gastronomia e lo leser en Bearn. Òctele que filmarà lo son D'ÒC Show, pendent lo vrèspe danças e musicas deus Seuvetons que'vs seràn perpausadas e lo ser que sont prevists ua cantèra, lo Ti'Bal Tribal d'André Minvielle e lo grop Du Bartàs. 

L'InÒc Aquitània que serà present ad aqueth eveniment, de tres faiçons desparièras :

- l'InÒc Aquitània qu'i tienerà un taulèr on perpausarà de descobrir los sites Internet de valorizacion deu patrimòni culturau immateriau occitan, mei que mei www.sondaqui.com, 

- Joan Jaques Casteret, director, e Joan Breç Brana, encargat deu pòle Lenga & Societat que participaràn au tornatge deu D'ÒC Show lo dissabte vrèspe,

- Joan Breç Brana qu'avivarà ua batalèra suu francés regionau parlat en Bearn, a la seguida de Michel Feltin, jornalista a l'Express, qui evocarà "L'accent : un enjòc de poder".