Que vien de’s crear un navèth collectiu de musicians de musicas e danças tradicionaus dont la tòca ei la mutualizacion deus mejans, de las competéncias, deus saber-har tà la difusion de la cultura de Gasconha : Tradethik productions.

Los sons objectius que son un sarròt : ajudar los artistas a’s professionalizar, consolidar los lors caminaments professionaus, estar ua mustra tà mei de visibilitat au près deu gran public, hicar en comun los contactes, enterajudà’s...

Lo collectiu que vòu difusar « practicas culturaus portadoras de sens, d'obertura, de partatge, per'mor que hòra l'estetica musicau, aqueras practicas mixtas e intergeneracionaus que son tanben l’expression d’ua faiçon de víver. »

Lo site de Tradethik productions : https://www.tradethik.com/