Lo purmèr que's harà lo divés 16 de mai au conservatòri au torn de la Txalaparta, ua percussion basca. De tres òras a cinc òras e mieja deu vrèspe, lo grop Ttikia ta Handia Txalaparta que'vs harà descobrir aqueste instrument dab ua conferéncia, videos, fòtos e debat. A sheis òras e mieja, ua audicion-bal tradicionau qu'ei prevista suu tèma deus sauts e deus branlos qui seràn jogats a la demanda.

Lo divés 23 de mai a la mediatèca intercomunau André Labarrère de Pau, Joan-Francés Tisnèr que harà ua conferéncia a mieidia e mieja sus la musica tradicionau e la creacion. A sheis òras e mieja, los escolans deus conservatòris de Baiona e de Pau que s'encontraràn devath « l'arbitratge » de Joan-Francés Tisnèr.

Enfin lo dimenge 29 de junh a cinc òras e mieja deu vrèspe, l'ensemble deus departaments de musicas, danças, cants e teatre deu conservatòri paulin que harà un gran concèrt tà hestejar los 10 ans de l'installacion deu conservatòri a las Réparatrices. Que's harà au Zenith de Pau.

Que podetz aver mei d'informacions au près deu Conservatòri de Pau : Cette adresse e-mail est protégée contre les robots spammeurs. Vous devez activer le JavaScript pour la visualiser. - 05 59 98 40 47.