Títol : Inauguracion de PCILab
Quan : dimars 3 d’octobre 2017
On : París (75)
Adreça: 182 Carrèra Saint-Honoré, Sala Vivant-Denon
Organizators : Ministèri de la Cultura e InÒc Aquitània
Tà'n saber mei

 

Lo site web PCILab que valoriza las 385 practicas e saber-har inscriuts a l’Inventari francés deus quaus 15 inscriuts sus las listas de l’Unesco. Dens un contèxte de diversitat culturau e lingüistica, que perpausa de har ua navèra forma de navigacion entà restituar au miélher tota la riquessa de las practicas e deus saber-har. Qu’experimenta de mei la collaborativitat per lo Projècte PCI de l’enciclopedia libra e collaborativa Wikipédia.

Au parat d’aquera presentacion, ua jornada de sensibilization e de contribucion a Wikipèdia, en francés e dens divèrsas lengas de França (occitan, basco, breton, creòle, kanak…) qu’ei organizada au ministèri de la Cultura de cap aus actors deu PCI e aus wikimedians, en partenariat dab lo Departament deu pilotatge de la recèrca e de la politica scientifica e Wikimèdia França.

Hòrt de la lor experiéncia ganhada tà çò de la valorizacion numerica deus patrimònis, (començada dab la creacion en 2005 de Sondaqui.com) dens l’encastre de las politicas numericas precursoras (Aquitània Culturas Connectadas) de l’ex-Region Aquitània, l’InÒc Aquitània qu’a collaborat entad aquesta realizacion novatora dab la societat paulina Boulevard du Nord era medisha coneishuda per las soas produccions numericas culturaus.