Títol : Hommage à Daniel Fabre
Quan : Dimèrcs 25 d’octobre - 18h
On : Carcassona (11)
Adreça : Etnopòle GARAE (Maison des mémoires, 53 rue de Verdun)
Organizators : InÒc Aquitània e Etnopòle GARAE
Tà'n saber mei

 

 

Dens l’encastre deu tresau Seminari annau en etnomusicologia de la França, organizat per l’InÒc Aquitània e l’Etnopòle GARAE en collaboracion dab lo Laboratòri iiAC-LAHIC, que’s harà ua taula redona en omenatge a Daniel Fabre. Que serà ubèrta au public.

Daniel Fabre ne celava pas lo son gost tà la musica e lo plaser qui avè a cantar. Dus deus sons darrèrs tèxtes, publicats a la fin de 2015 dens L’Homme, que testimònian de la soa passion tau ròck e la cançon francesa. Mes que s’interessava tanben a las musicas tradicionaus, en especiau las deu domeni occitan. Tanben, uns quants joens actors deu folk music revival dens aqueste airau culturau, deu Bearn au Carcin, deu Rosselhon a l’Auvèrnha, que frequentèn lo son seminari tolosan e que preparèn diplòmas universitaris devath la soa direccion. Que sian vaduts cercadors o demorats musicians, d’ara enlà antropologicament informats, tots que son estats pregonament marcats per aqueth ensenhament. Aqueste 25 d’octobre, Guy Bertrand, Luc Charles-Dominique, Claude Sicre e Xavier Vidal que vieneràn díser quin l’encontre dab Daniel e modifiquè la lor trajectòria.

Tà’n saber mei suu tresau Seminari annau en etnomusicologia de la França