Enter autes, la Calandreta de Carcassona que hestejarà los sons 20 ans lo dissabte 28 de junh en companhia de Mauresca e deu Còr de la Plana. Montaren que harà la soa Fèsta del Cese deu 23 au 25 de mai, las calandretas de Gard qu'organizaràn ua jornada de hèsta a Portes lo 28, lo Théâtre des origines que harà son espectacle de Sent Jan lo dimenge 22 a Pesenàs, Lo CIRDÒC qu'organizara « Lo grand recampament » de las culturas vivas de la region lo 7, Mascarimiri que jogarà lo dissabte 7 a Sant Miquèl de Lanès, Brotto-Lopez que serà a Mirapeisset lo 14, los Doctors de Trobar, Fai Deli e Hum qu'animaràn la serada deu 26 a Sant Paul e Valmala...

Tres granas jornadas que son tanben previstas a Montpelhièr los 5, 14 e 21 de junh dab bals, taulas redonas autorn de la pedagogia, projeccions, teatre, concèrts e huec de Sent Jan. Dens l'encastre deu Total Festum que i aurà tanben l'amassada de las calandretas de Lengadòc a Bessilhas lo 12 e las quate amassadas academicas de las classas occitanas a Capendut lo 3, a Sant Ipolite del Fòrt lo 12, a Serinhan lo 17 e a Mende lo 19. Enfin, las festivitats que's clavaràn lo 5 de julhet a Gruissan dab lo setau hestau deus espòrts tradicionaus.

Que trobaratz lo programa complet de l'eveniment suu site de la Region Lengadòc-Rosselhon.