Dimèrcs 17 de genèr 2018 a l’Universitat Paris-Nanterre, Mélanie Larché qu’intervienerà au près deus estudiants deu master Sciéncias umanas e sociaus, Mencion Informacion, comunicacion, Percors Comunicacion Redaccionau Dedicada au Multimèdia (CRDM), dens lo cors « Edicion e documents numerics » de Lionel Barbe.

Los estudiants que seràn miats a tribalhar pendent 6 a 10 sesilhas sus Wikipèdia e suus articles consacrats a l’Inventari francés deu Patrimòni culturau immateriau. Mélanie Larché que presentarà PCILab, lo site de l’inventari deu Patrimòni culturau immateriau en França (https://www.pci-lab.fr/) e los sons enjòcs collaboratius dab lo Wikipèdia francofòne a l’escadença de la prumèra sesilha deu 17 de genèr 2018.

Creat per l’InÒc Aquitània, dab mestresa d’obratge deu ministèri de la Cultura, PCILab que balha l’accès, tau gran public, a l’inventari francés deu PCI.

Que valoriza las 385 practicas e saber-har inscriuts a l’Inventari francés deus quaus 15 inscriuts sus las listas de l’Unesco. Dens un contèxte de diversitat culturau e lingüistica, que perpausa de har ua navèra forma de navigacion entà restituir au miélher tota la riquessa de las practicas e deus saber-har. Qu’experimenta de mei la collaborativitat peu Projècte PCI de l’enciclopedia libra e collaborativa Wikipèdia.