Deus arcanes de l'UNÈSCO e deu Ministèri de la Cultura dinc a l'enquèsta de terrenh ; de la redaccion de las fichas d'inventari dinc a l'elaboracion d'un dossièr de labellizacion ; de la realizacion d'archius bruts dinc a la lor valorizacion a travèrs los utís numerics (sites, hialats sociaus) ; aquera formacion que tocarà a las questions d'inventari e de sauvaguarda deu PCI tant au nivèu teoric com practic.

Lo PCI qu'impausa ua expertisa partatjada enter practicians, cercaires e institucions patrimoniaus. Aquera coconstruccion que serà doncas metuda a l'esprava deus saber-har de las enterpresas artisanaus qui constituiràn, augan, lo terrenh viu d'experimentacion d'aquera setmana de formacion.

Augan, la formacion que's harà en dus lòcs : deu diluns 12 au dimèrcs 14 a mieidia a la CCI Pau-Bearn, e deu dimèrcs vrèspe au dives 16 a l'InÒc Aquitània (Castèth d'Este).

Títol : Dias de formacion au Patrimòni Culturau Immateriau
Quan : deu 12 au 16 de heurèr 2018
On : Pau e Vilhèra (64)
Adreça : CCI Pau-Bearn e Castèth d'Este
Organizator : InÒc Aquitània, laboratòri ITEM de l'Universitat de Pau e deus País de l'Ador dens l'encastre deu programa FEDER TCVPYR, Direccion generau deus patrimònis deu Ministèri de la Cultura, CCI Pau-Bearn

Ubèrtas a tots sus inscripcion

Tà'n saber mei