Lo CESMD de Peitau Charantas, qui devien Pòle Alienòr, qu’organiza ua jornada pòrtas ubèrtas lo 10 de heurèr 2018, a l’escadença de la quau e presentaràn la navèra trajectòria coordinada de musica tradicionau.

Las associacions e organismes qui s’ocupan de la transmission de la musica tradicionau, sovent ne saben pas que formacions diplomantas e son accessiblas a las personas qui an abastat un solide nivèu musicau. Totasvetz aqueth nivèu, de tipe Diplòma d’Estudis Musicaus, DEM, o Diplòme Nacionau d’Orientacion Professionau, DNOP, que pòt paréisher tròp haut. Qu’ei la rason per la quau lo pòle Alienòr e va méter en plaça a la rentrada de seteme 2018 ua trajectòria especifica qui permeterà aus escolans de s’orientar, quau que sia lo lor instrument, de cap a ua professionalizacion musicau sancèra en aqueth domeni. Lo passatge peu concors d’entrada deu pòle Alienòr qu’ei necessari entà seguir aquera trajectòria e las condicions entà s’i presentar que son d’aver enter 18 e 26 ans (hòra excepcion) e d’aver ua experiéncia de qualitat dens aqueth domeni (trajectòria specializada, estagis, UE libra, masterclass, practica en amator avançada… apreciats sus dossièr). Aquera trajectòria que’s debana en sheis o sèt ans e que permet d’obtiéner quate diplòmas diferents. En efèit, hòra los dus diplòmas mentavuts mei haut, lo partenariat dab lo Conservatòri de region de Peitieus que permet l’obtencion, d’ua part, d’ua equivaléncia dab ua fin de cicle especializat de conservatòri. D’auta part, en partenariat dab l’Universitat e lo CFMI de Peitieus, que permet d’obtiéner tanben la licéncia de musicologia e lo DUMI.

Las inscripcions que’s hèn suu site abans lo 16 de heurèr au títol deu DNSPM-Licéncia-DE de musica tradicionau.

D’auta part, que serà tostemps possible d’entrar tà las formacions au DNSPM-Licéncia-DE de musica tradicionau per la via costumèra deus concors d’entrada per ua durada d’estudis de tres o quate ans.

Tà'n saber mei sus la jornada pòrtas ubèrtas

Tà'n saber mei sus las formacions

Informacions e inscripcion : https://www.cesmd-poitoucharentes.org/actualites