La ueitau edicion de l’Obrador de Lingüistica Occitana que’s harà a Pau (64) deu 5 au 6 de julhet. Ad aquera escadença, que cèrcan intervienents.

L’Obrador qu’ei ubèrt a tots los qui vòlen interviéner sus ua question de lingüistica occitana. Lo tèma de la prumèra jornada que serà : « Operativitat de las divisions cronologicas (occitan medievau, modèrne, contemporanèu…) e de las divisions dialectaus ». La segonda jornada que serà libra e las comunicacions que poderàn pertocar a tots los camps (lexic, sintaxi, morfologia, fonologia, dialectologia, sociolingüistica…) tant en sincronia com en diacronia. Los apròchis comparatius que seràn apreciats. Aqueth encontre que pòt estar l’escadença de presentar un tribalh acabat o en cors d’elaboracion.

Que s’i preved un temps de trenta minutas tà cada comunicacion. Las lengas de comunicacion que seràn l’occitan, ua autra lenga romanica o l’anglés.

Tà'n saber mei