« Vita e memòria de l’Ador / Vie et mémoire de l'Adour » qu’ei ua operacion de colècta filmada sus la vita e la memòria deu fluvi Ador, miada au près de nombrós testimònis occitanofònes deu Baish Ador, comandada peu Conselh generau deus Pirenèus Atlantics a l’InÒc Aquitània – Etnopòle, e hèita per Yvan Bareyre e Caroline Dufau.

Tèrra de confluéncias, a la horcada de las lengas e de las culturas, lo Baish Ador qu'ei ric deus òmis e de las hemnas qui i demoran, qui'n hargan lo paisatge ; ric de saber víver amassa, de saber-har tecnics e culturaus, passats o presents, e de la lenga occitana en la soa varianta gascona maritima qui, dab lo fluvi Ador, ei lo briu d'aqueth tribalh a disposicion de las generacions a viéner.