Las Jornadas Occitanas que son accions de sensibilizacion a l'occitan au près deus liceans de la region Navèra Aquitània, comanditadas per l'Ofici Public de la Lenga Occitana e realizadas per l’InÒc Aquitània.

La prumèra de las tres Jornadas occitanas de ligason collègis-licèus 2018 qu’estó organizada lo 5 d’abriu dens l’encastre deu Dia deus mainatges deu hestau « Lo Primtemps de l’Arribèra ».

Un centenat d’escolans arrecotits de collègis e licèus de las Lanas e deus Pirenèus Atlantics qu’èran presents entà participar a un sarròt de talhèrs : descobèrta deus instruments de musica tradicionaus, iniciacion a las chancas, fabricacion d’instruments... Lo grop Cocanha qu’èra tanben present entà jogar un conte musicau.
A la fin deu dia, un gran bal qu’a amassat l’ensemble deus escolans atau com los mainatges de las escòlas primàrias qui èran presents a l’eveniment.

Los establiments qui participèn ad aquera jornada qu’èran : Licèu Borda de Dacs (40), Licèu d'Oloron (40), Collègi Pierre Emmanuel de Pau (64), Collègi Simin Palay de Lescar (64), Collègi d'Amor (40), Collègi d'Areta (64), Collègi de Monthòrt (40).

La jornada de ligason en imatges :