Frut d’un projècte culturau comun entre la Vila d’Anglet e los sons partenaris : l’associacion Ací Gasconha, lo Musèu d’Aquitània e l’etnopòle InÒc Aquitània, lo navèth espaci culturau « Uei en Gasconha » qu’ei inaugurat aqueth dissabte 5 de mai, a 11 h, a Anglet.

L’InÒc Aquitània qu’acompanha atau, dens l’encastre de las soas missions regionaus e d’etnopòle, la creacion e lo desvolopament de las ressorsas numericas d’aqueth espaci d’interpretacion dedicat a la lenga e la cultura occitana de Gasconha.

Après l’inauguracion oficiau a 11 h, un concèrt d’obertura que’s harà a 15 h 30 dab Coralie Nazabal e la Maison Dakoté. Ua exposicion temporària suu dessenhator Michel Iturria que serà tanben metuda en plaça dinc au 16 de seteme.