Despuish la soa introduccion per la Convencion Unesco de 2003, la nocion de PCI qu'a pregondament capvirat un sarròt de camps d'estudis, e qu'ei estada au centre deus debats e de las recèrcas. Las activitats artisticas, artisanaus, creativas, educativas, toristicas qui's desvolòpan au torn deus elements deu PCI qu'an ua dimension economica, e tanben un pes sus las chifras globaus deu sector culturau.

Totasvetz, l'especificitat d'aqueras activitats e d'aqueth patrimòni e justifica ua economia a despart, excepcionau ? Quinas referéncias e instruments de la sciéncia economica e pòden esclarir las modalitats d'organizacion, de desvolopament e de transmission de las activitats ligadas aus PCI’s, qui n'asseguran la sauvaguarda ?

Aqueras preocupacions que seràn lo gran patac deu seminari, e que seràn abordadas a partir de quate tèmas principaus : l'evaluacion deus impactes deu PCI, lo PCI e lo desvolopament locau, l'economia deus labèls, lo PCI motor d'innovacion e de creativitat.

Entau programa complet e las informacions practicas : http://www.cfpci.fr/actualites/seminaire-l-economie-du-pci