Conta'm qu'a realizat un doblatge deus episòdis de Trotet, l'amic deus mainadets. Aqueth asolet gris escarrabelhat que s'amusa dab la soa amiga Lili e qu'aimaré que Nana e'u hasosse mei de cas. Los episòdis que duran quauques minutas. Los purmèrs dotze que seràn en lengadocian, los dotze seguents en gascon puish qu'arribaràn lo provençau e lo lemosin.

Manaset, lo jornau numeric « de vertadèra faussa informacion en occitan », qu'an realizat lo lor purmèr jornau televisat e qu'ac an enviat a ÒCtele. Qu'i arretrobaratz l'impertinéncia e l'intelligéncia de la redaccion de Manaset dens un jornau complet : convidats, meteo, reportatges, entervista...

Que podetz trobar aqueras emissions dens las videos a demanda suu site d'ÒCtele :  www.octele.com.