Lo cort metratge musicau Shens Papèrs qu'ei d'ara enlà disponible sus internet en accès libre : https://vimeo.com/178895355

Produsit per l'associacion Art'Òc, lo film Shens papèrs qu'ei escriut e realizat per Felip Espinasse, co-realizat per Evà Cassagnet, filmat per Amic Bedel, montat per Jan Labourie, dab l'ajuda preciosa deu CAMOM, Guillaume Lopez, Amel Duret , Fabiana Vayrette (Hilhas deu Vent) e Simon Portefaix per l'enregistrament de la cançon, mixada e masterizada per Nicolas Panek.

Vita vitanta d'ua familha de shens papèrs, tolerància, ubertura a l'aute, devath las paraulas justas, en occitan e cabil, musica lancejanta,ponctuada peus pas deus dançaires de rondèu gascon e d'ua dançaira contemporanèa.

Sinopsis :
Que barrutla, hurtiva, lo son espiar a despart en sarrar ua saca de plastic plea de papèrs, tau un ben preciós.... De uei enlà, tota la sua vita teng dins aquera saca, mès quin sens a aquera pièla de papèrs, per ua vita de « Shens papèrs » ? Dançaires que s’aprèstan tà l’aròu ensabatant d'un rondèu gascon. Encontre...

Tà’n saber mei