Títol : Hestiv’Òc
Quan : deu 17 au 19 d’aost 2018
On : Pau (64)
Organizator : Accents du Sud
Tà'n saber mei

 

 

Desempuish 2005, cada dusau quinzea d’aost, Hestiv’Òc que lauda la lenga e la cultura occitanas e que convida las culturas deu Sud a s’encontrar a Pau, capdulh deu Bearn. Aquera manifestacion màger de l’estiu biarnés que tira de cap au hestau e a la hèsta patronau. Hestiv’Òc qu’ei atau quasi vadut, uei lo dia « las hèstas de Pau ».

Que poderatz arretrobar l’InÒc Aquitània en companhia deu CIRDÒC suu « Centre de prumèrs secors occitans », dispositiu mobile de mediacion e de sensibilizacion a la lenga e a la cultura occitanas, adaptat en gascon per l’escadença. Lo taulèr que’s trobarà au còr deu hestau, a l’estadi Tissié.
Tà’n saber mei sus aqueth dispositiu : http://maleta.occitanica.eu/talhier/trousse-de-premiers-secours_19557.html

Arretrobatz la programacion sancèra de l’eveniment suu site oficiau : http://hestivoc.com/