JEP2018

Lo dissabte 15 de seteme, a l’escadença de las Jornadas Europèas deu Patrimòni, la Comunautat d’Aglomeracion Pau-Bearn-Pirenèus e l’InÒc Aquitània qu’arcuelhen a Joan Francés Tisnèr qui presentarà lo son espectacle Tralhaires, Sur les pas de Félix Arnaudin.
L’eveniment que serà davantejat per un bal impromptú acompanhat peus eslhèves deu Conservatòri de Pau-Bearn-Pirenèus, lo dijaus 13 de seteme.

Títol : Bal gascon impromptú
Quan : dijaus 13 de seteme
On : Pau (64)
Adreça : Mediatèca Intercomunau André Labarrère
Tà'n saber mei

 

 

Lo bal gascon que’s debanarà a la Mediatèca Intercomunau André Labarrèra, a 19H.
Aqueth bal que’s harà dab la participacion deus eslhèves deu Departament de musica tradicionau deu Conservatòri a Projeccion Departamentau Pau-Bearn-Pirenèus, atau com deus artistas de l’espectacle Tralhaires de Joan Francés Tisnèr. Lo bal qu’ei en efèit ua construccion artistica qui hè reclam a la representacion de l’espectacle qui’s harà lo 15 de seteme, dens l’encastre de las Jornadas deu Patrimòni.

Títol : Tralhaires. Sur les pas de Félix Arnaudin
Quan : dissabte 15 de seteme
On : Vilhèra (64)
Adreça : Auditorium deu Castèth d’Este
Tà'n saber mei

 

 

Dens l’encastre de las Jornadas Europèas deu Patrimòni (Comunautat d’aglomeracion Pau Pirenèus, InÒc Aquitània, Conservatòri a Arrajada Departamentau Pau-Bearn-Pirenèus), l’espectacle Tralhaires. Sur les pas de Félix Arnaudin que’s harà a l’auditorium deu Castèth d’Este de Vilhèra, a comptar de 20H30, dens ua prepausicion – autanplan artistica com archivistica – de la quau s’apoderaràn los eslhèves en musica tradicionau deu Conservatòri.

Un preludi que’s harà dens l'entrada de la Mediatèca d’Este, on intervieneràn lo eslhèves deu Departament de musica tradicionau deu CPD Pau-Bearn-Pirenèus. Que s’agirà entad eths de presentar la lor reapropriacion de collèctas instrumentaus e vocaus realizadas dens las Lanas au miei de las annadas 1960, en restitucion d’un tribalh realizat en collaboracion dab l’InÒc Aquitània a partir de documents d’archius etnografics conservats sus plaça.

Las intervencions musicaus qu’alternaràn dab ua presentacion activa de Fèliç Arnaudin e deus collectors deus sègles 19au e 20au per Jan Jaques Casteret, director de l’InOc Aquitània e etnomusicològue.

Puish lo concèrt que’s harà a l’Auditorium d’Este a comptar de 21H. Tralhaires qu’ei un espectacle audiovisuau e musicau inspirat de la cultura gascona, deus sons cants e de las soas legendas, miat per Joan Francés Tisnèr dab la participacion de Jakes Aymonino, François Dumeaux e Domenja Lekuona. Aqueth concèrt multifonic que mescla au còp cants, contes, arreproèrs, projeccions vidèos, paisatges sonòres e extrèits deu Journal et Choses de l'ancienne Lande de Fèliç Arnaudin.

Tralhaires 

Corealizat per Lo Nau, l’InÒc Aquitània, la Comunautat d’Aglomeracion Pau-Bearn-Pirenèus e lo Conservatòri a Projeccion Departamenta Pau-Bearn-Pirenèus, l’espectacle qu’a tanben recebut lo sostien deu Ministèri de la Cultura/DRAC, deu Conselh Regionau Navèra Aquitània, deu Conselh Departamentau deus Pirenèus Atlantics e de la Vila de Salias.

L’eveniment qu’ei a gratis mes que podetz reservar las vòstas plaças en contactar : admin(at)lonau.eu

Tà’n saber mei sus l’eveniment :
http://www.joanfrancestisner.com/PBHotNews.asp?ActionID=67174912&PBCATID=2476468&PBCATName=Joan%20Franc%E9s%20Tisn%E8r

Tà’n saber mei sus las Jornadas Europèas deu Patrimòni :
https://journeesdupatrimoine.culture.gouv.fr/

Tralhaires 

Crèdits fotografics : Bill Akwa Betote, Amic Bedel, Jakes Aymonino, Domenja Lekuona, Celine Lajeunie