Títol : Formacion « Frequentar, practicar, aproprià’s la cultura occitana uei »
Quan : Diluns 8 d’octobre 2018
On : Vilhèra (64)
Adreça : « Pòle de mediacion numerica » InÒc Aquitània au Castèth d’Èste, Avienguda de la Pléiade
Organizator : InÒc Aquitània e DAAC


Inscripcion obligatòria*
Tà'n saber mei

Desempuish 2016, l’InÒc Aquitània qu’acompanha los ensenhaires de Navèra Aquitània qui vòlen méter en plaça trajectòrias d’educacion artistica e culturau sus la cultura e lo patrimòni occitan. Que s’ageish au còp d’acompanhar los ensenhaires, de har conéisher las ressorsas existentas e de tribalhar a difusar e promòver la diversitat culturau deu territòri occitan en Navèra Aquitània.

Lo dia de formacion que s’organiza en dus temps :
- Ua prumèra mieja jornada consacrada a la mesa en plaça d’ua trajectòria d’educacion artistica e culturau, a la definicion deu Patrimòni culturau immateriau e a l’utilizacion d’utís numerics de mediacion (ubèrta aus ensenhaires, professionaus de la cultura e artistas)
- Ua seconda mieja jornada centrada sus ua tematica generau ligada a las trajectòrias metudas en plaça l’an qui vien e qui balharà claus d’animacion (reservada aus ensenhaires)

Ua dusau jornada de formacion que’s harà tanben a Bordèu diluns 15 d’octobre 2018 (Tà'n saber mei).

*Inscripcion obligatòria au près de Marie-Tatiana Martin : mt.martin(at)in-oc.org

Avisatz-vs'i, entaus ensenhaires, inscripcion au près de Maude Puech, professora relai patrimòni occitan au près de la DAAC : maude.puech(at)ac-bordeaux.fr