Joan Loís Lavit qu’a hèit paréisher a Letras d’Òc un roman qui conta ua navèra aventura deu son Comissari Magret.
Qu’ei parescut en octobre 2018 e que hè seguida au blòg deu Comissari, publicat au començament de l’annada (https://comissarimagret.wixsite.com/comissarimagret).

« Negre qu’ei l’ahar au país de las cantas : còs de hemnas desmembrats, pergam istoric raubat, panatòri d’engibana electronica, shens comptar la disparicion d’ua inspectora de polícia… Quina mesclanha aquestes torns en vila ! Lo comissari Magret – qui s’èra permetut quauques dias de vacanças – que deu tornar, viste hèit, tà miar l’enquista. E s’i va escàder aqueste còp ?
Joan Loís Lavit que maneja dab gormandèr l’umor e las suspresas tà troçar un beròi roman policièr e balhar plaser au legedor : Bèth peu de sau. » – Letras d’Òc

Tà’n saber mei