La vidèo d'augan : https://www.facebook.com/institutoccitan/videos/357693935048913/

Lo visuau de l’annada 2019 qu’ei lo resultat d’un tribalh de collaboracion entre l’InÒc Aquitània e l’Escòla Superiora d’Art deus Pirenèus. Mantuns estudiants qu’an prepausat pistas de reflexion suu tèma de la Bona Annada, de l’occitan e de la cultura occitana.

La creacion grafica finau, creada per l’estudianta Ana-Sophia Carpousis, que’s vòu un perlongament de la reflexion entinoada l’an passat. Dab ua afica mei luminosa e colorada, qui hè pensar a la gaujor d’un huec d’artifici, que s’ageish d’ua representacion mei concrèta de la socializacion de la lenga, de la convivialitat e de la projeccion culturau.

Ana-Sophia Carpousis qu'estó gavidada per dus ensenhaires membres de la Maison des éditions, en collaboracion dab Lo Congrès permanent de la lenga occitana, Lo CIRDÒC-Mediatèca occitana e l'ÒPLO.

Tà’n saber mei sus la campanha « Bona Annada » 

Lo reportatge de France 3 Occitanie hens lo Jornau occitan deu 12/01 (En aliança dab Lo Congrès permanent de la lenga occitana, l' École supérieure d’art des Pyrénées, la Maison des éditions e lo visuau d'Ana Carpousis) : https://france3-regions.francetvinfo.fr/occitanie/emissions/jt-local-1920-edicion-occitana

Que s'i parla tanben de la campanha d'afichatge "Bona Annada 2019" hens lo Gran Descluc de Ràdio País. La version braca de l'entervista de Joan Breç Brana de 17'51, e tanben de 29'03 enlà (En aliança dab Lo Congrès permanent de la lenga occitana, l' École supérieure d’art des Pyrénées, la Maison des éditions) : https://soundcloud.com/radio-pais/lo-gran-descluc-deu-14-de-gener-de-2019?utm_source=soundcloud&utm_campaign=wtshare&utm_medium=Facebook&utm_content=https%3A%2F%2Fsoundcloud.com%2Fradio-pais%2Flo-gran-descluc-deu-14-de-gener-de-2019

Tota l’equipa de l’InÒc Aquitàna que’vs desira ua bona annada 2019 !

affiche Bona Annada 2019