Augan, la Region Navèra Aquitània qu’a editat un navèth calendari trilingüe entà hicar endavant las soas tres lengas regionaus : occitan, basco e peitavin-sentongés. La partida en occitan qu’ei lo frut d’ua collaboracion entre l’InÒc Aquitània e l’IÈO Lemosin.

Lo calendari que contien ua presentacion de las tres lengas (en la lenga concernida), atau com un arreproèr per mes de l’annada sus la tematica d’augan qui ei « L’Ausèth ». Que i a exemplars de disponibles a gratis aus locaus de l’InÒc Aquitània.