Lo navèth site Wikimedi'Òc qu’a tà tòca d’ensenhar quin participar aus diferents projèctes occitans de la platafòrma collaborativa Wikimèdia.
Que i a per exemple articles Wikipèdia a escríver o a arrevirar, diccionaris a enriquir de navèths mots o expressions, mots a enregistrar (entà enriquir ua basa de sauvaguarda sonòra), fotografias a préner entà illustrar articles…

Lo site que presenta cada projècte, acompanhat deu temps qui preneré la contribucion atau com lo nivèu d’occitan necessari e lo nivèu de competécia informatica requerida.
Cadun que pòt participar a un projècte (o mei d’un) qui aja causit, sonque per quauquas minutas o de manièra mei avançada.

Wikimedi'Òc qu’ei un site hicat de pès per Aura Séguier, webmèstra e desvolopaira au Congrès permanent de la lenga occitana.

Accedir a Wikimedi'Òc : http://wikimedioc.com/