Lo Congrès permanent de la lenga occitana qu’a argançat un clavèr predictiu en occitan entaus telefonets Android. Qu’ei sortit en duas versions, gascona e lengadociana.

Aqueth clavèr predictiu que’s realizè dens l'encastre de la crida a projèctes 2017 « Lengas e numeric » de la Delegacion generau a la lenga francesa e a las lengas de França-Ministèri de Cultura e la Comunicacion, en aliança dab lo CLLE-ERSS (CNRS/Universitat Tolosa Joan-Jaurés), Habiter le monde (Universitat d’Amiens) e LiLPa (Universitat d’Estrasborg).
Lo Congrès que realizè, dab la fondacion Elhuyar, los clavèrs predictius entà l'occitan gascon e l'occitan lengadocian, i en parallèle que s’i hasó versions entà l'alsacian e lo picard.

Las instruccions detalhadas entà l’installar suus telefonets que’s tròban suu site deu Congrès.

Tà’n saber mei : https://www.locongres.org/oc/ressorsas/utis/10516-clavers-predictius-occitans-deu-congres