La serada deus vòts de l’InÒc, lo 22 de genèr, qu’estó l’escadença de presentar ua mustra de las òbras deus estudiants de l’Escòla superiora d’art deus Pirenèus qui participèn a la realizacion deu visuau de l’aficha Bona Annada 2019.

Lo visuau d’augan qu’ei lo resultat d’un tribalh de collaboracion enter l’InÒc Aquitània e l’Escòla Superiora d’Art deus Pirenèus. Un sarròt d’estudiants que prepausèn pistas de reflexion suu tèma de la Bona Annada, de l’occitan e de la cultura occitana.

La creacion grafica finau qu’estó creada per Ana-Sophia Carpousis, e mei d’un qu’an perseguit l’exercici dinc au cap en prepausar un visuau acabat, acompanhat d’un explic deu contiengut.

La mustra que’s pòt enqüèra véder dens lo hall de la Mediatèca d’Este, a Vilhèra, dinc a la fin deu mes de heurèr. Que la podetz tanben consultar ací devath :

Las explicacions deus estudiants ací : http://www.in-oc.org/images/actualites/2019/BonaAnnada2019/fds.jpg

Véder la campanha « Bona Annada » 2019 : http://www.in-oc.org/actualitats/2444-bona-annada-2019-a-tots