Títol : Formacion « Patrimòni Culturau Immateriau en territòri de montanha »
Quan : deu 18 au 22 de heurèr 2019
On : Vièla (64)
Tà'n saber mei

 

 

Lo Laboratòri ITEM de l’UPPA, l’Etnopòle Occitan - InÒc Aquitània (Operator regionau per l’occitan, Pòle nacionau de recèrcas e de ressorsas en etnologia, ONG expèrt PCI au près de l’UNÈSCO) e la Direccion generau deus patrimònis deu Ministèri de la Cultura e de la Comunicacion, en associacion dab lo Parc Nacionau deus Pirenèus, qu’organizan dias de formacion suu Patrimòni culturau immateriau.

Deus arcanes de l’UNÈSCO e deu Ministèri de la Cultura tà l’enquista de terrenh ; de la redaccion de fichas d’inventari tà l’elaboracion d’un dossièr de labelizacion ; de la realizacion d’archius bruts dinc a la lor valorizacion mercés aus apèrs numerics (sites, hialats sociaus) ; aquera formacion qu’abordarà las questions d’inventari e de sauvaguarda deu PCI tant per çò de la teoria com per çò de la practica. Com lo patrimòni culturau immateriau impausa ua expertesa partatjada enter practicians, cercadors e institucions patrimoniaus, aquera coconstruccion que serà metuda a l’esprava deus territòris de montanha qui constituiràn, augan, lo terrenh viu d’experimentacion d’aquera setmana de formacion.

L’inscripcion obligatòria qu’ei ubèrta dinc a dimèrcs 13 de heurèr a 12h.

Informacions e inscripcions : http://www.in-oc.org/images/actualites/2019/Programme-Journees-formation-PCI---UPPA---2019.pdf