L’associacion Passa Camin qu’a produsit un navèth disc de cantas de Nadau, dab lo lor talhèr de cant Votz de Galerna, en fin d’annada 2018.

« L’associacion Passa Camin que prepausa tot lo long de l’annada un talhèr de cant basa suu tribalh de la votz, deu repertòri, de la lenga (que s’i canta en divèrs dialèctes).
L’energia deu group atau constituit qu’a permetut de considerar de prepausar concèrts de cants de Nadau. Ad aquera escadença, los cantaires deu group Saravòc qu’an portat lo lor sostien au projècte.
D’aquera darrèra etapa qu’ei vaduda l’enveja de guardar en memòria aquera experiénça collectiu, dab la fòrma d’un CD.
Aqueth CD qu’amassa un tribalh d’estúdio e enregistraments en live lo long deus concèrts balhats en deceme 2017. Lo tribalh de recèrca e de repertòri qu’estó miat per Dàvid Escarpit, mèste de conferéncias. » - Passa Camin

Tà’n saber mei