Títol : Bal en Vila
Quan : 22 e 23 de març 2019
On : Pau, Vilhèra, Juranson (64)
Organizator : Conservatòri Pau Bearn Pirenèus, Etnopòle Institut Occitan de Cultura, Vila de Pau, Vila de Juranson, Vila de Vilhèra, Calandreta, Associacion Chancaires, Conselh Departamentau deus Pirenèus Atlantics, Escòla de musica de Sent Pèr de Lèren
Tà'n saber mei

 

Lo Conservatòri Pau Bearn Pirenèus qu’organiza lo hestau Bal en Vila, dab un sarròt d’accion de previstas a Pau, Vilhèra e Juranson (64) los 22 e 23 de març.

Aqueth projècte que’s hè dens l’encastre de la programacion La Ciutat, e que s’ei construsit a l’entorn de la valorizacion de recuelhs de cantas bearnesas deus sègles XIXau e XXau conservats a l’InÒc Aquitània e qui contienen particions de cantas tradicionaus bearnesas, bascas e bigordanas armonizadas per compositors de musica classica.

Conferéncia-performança

Lo divés 22 a sèt òras deu ser, ua conferéncia-performància qu’ei prevista a la Mediatèca d’Este a Vilhèra sus la tematica « La cançon tradicionau bearnesa e los compositors romantics : Franz Liszt, Charles Gounod, Frédéric Rivarès, Gaston Mirat... ».
Que l’animaràn Jan Jaques Casteret, etnomusicològue e director de l’Etnopòle InÒc Aquitània, e los estudiants e ensenhaires de las classas de musica tradicionau e d’escritura deu Conservatòri Pau Bearn Pirenèus.

Tornar descobrir la "cançon populara, folclorica, tradicionau" que correspon au moviment preromantic e romantic qui's hica en quèsta de la soa literatura nacionau com los hrairs Grimm e los lors recuelhs de contes. L'Euròpa sancèra - de la quau la França - que s'engatja dens un gran moviment de collècta, d'estudi atau com de creacion pr'amor un hèish de compositors que's hèn tanben collectors.
Dab la renom creishent deus Pirenèus au sègle 19au, hèra d'artistas que s'interèssan atau a la cançon bearnesa, artistas bearnés de valor com Frédéric Rivarès o Gaston Mirat o de renom internacionau a l'imatge de Franz Liszt, Charles Gounod, Jules Massenet o Félicien David.
Aquera conferéncia-performança associant Jan Jaques Casteret, etnomusicològue e director de l'InÒc Aquitània, e los estudiants e ensenhaires deu Conservatòri de Pau, que permeterà de tornar sus aquera istòria e de tornar descobrir quauquas òbras deus mèstes romantics mes tanben las creacions recentas deus joens artistas paulins.

Tà’n saber mei : http://ostaubearnes.fr/agenda/?event=conference-performance-bal-en-vila

Passacarrèra e bal en vila

Lo dissabte matin, un passacarrèra en musica qu’ei previst, qui partirà de la Hala de Pau, e qui s’acabarà per un gran bal « en vila » ubèrt a tots sus la plaça Clemenceau.
Tà’n saber mei : http://ostaubearnes.fr/agenda/?event=bal-en-vila-pau

Estagi, espectacle e concèrt-bal

Lo dissabte vrèspe, que s’i preved un estagi de polifionia ritmada a Juranson, animat peu grop Cocanha (plaças limitadas).
Tau ser, que poderatz véder lo concèrt-creacion « Arbo Huec », espectacle musicau creat peu Conservatòri Pau Bearn Pirenèus, l’Escòla de musica de Sent Pèr de Lèren e l’associacion Chancaires.
La serada que s’acabarà per un concèrt-bal dab Cocanha, qui clavarà l’eveniment.
Tà’n saber mei : http://ostaubearnes.fr/agenda/?event=bal-en-vila-3