L’Ofici Public de la Lenga Occitana, dab lo sostien de la Region Navèra Aquitània , de la Region Occitania e deu Rectorat de l’Academia de Bordèu, que prepausa la borsa Ensenhar. Que permet de finançar formacions taus estudiants e ensenhaires qui vòlen ensenhar dens las escòlas bilinguas o immersivas.

Que s’adreça aus estudiants de L3 o de M1 qui’s destinan a ensenhar l’occitan dens las regions Navèra Aquitània e Occitania, e aus ensenhaires volontaris qui son dejà en pòste dens l’Academia de Bordèu e qui an obtiengut un conget individuau de formacion o de reconversion.
Que s’engatjan a ensenhar l’occitan cinc ans de seguida a comptar de la fin de la formacion.

Tà’n saber mei : https://ofici-occitan.eu/fr/vous-souhaitez-enseigner-loccitan/