Títol : Lo Primtemps de l’Arribèra
Quan : deu 11 au 13 d’abriu 2019
On : Sent Pèr de Lèren (64)
Organizator : Associacion Chancaires de Sent Pèr de Lèren
Tà'n saber mei

 

 

Lo Primtemps de l’Arribèra que torna augan. Que s’i preved un sarròt d’animacions tad aquesta edicion, dont la tematica ei lo Huec.

Augan, com a l'acostumat, que i aurà dus dias entaus mainatges, lo dijaus e lo divés. Que s’i prepausarà talhèrs de dança, chancas, canta, musica,… atau com espectacles e bals.
Lo dijaus, que s'i preved en especiau la Jornada occitana de ligason collègis-licèus Sud Navèra Aquitània, accion de sensibilizacion a l'occitan comanditada per l'Ofici Public de la Lenga Occitana.

Lo dijaus ser que’s debanarà la velhada deu Primtemps dab un espectacle de la companhia Amapola, animations musicaus e projeccion de filmòts.

Lo divés ser que marcarà l’ubertura deu hestau dab l’aperitiu d’inauguracion qui serà seguit d’ua serada dab los grops d’Alidé Sans, Bilaka e lo Ping Pong Bal de Carnaval.

Lo dissabte, que poderatz participar a talhèrs de danças de bal, de chancas, de fabricacion de gigant, de sauts bearnés, o de tribalh de la harga. Que i aurà tanben ua conferéncia, un trail de dança e ua caça de tresaur.

Lo dissabte ser, après l’aperitiu musicau deus Chancaires, ne manquetz pas l’espectacle Arbo Huec peus musicaires deu Conservatòri Pau Bearn Pirenèus e peus Chancaires, seguit d’un gran bal dab ua battle de sonsainas (dab Romain Baudoin, Valentin Laborde e Simon Guillaumin) e lo grop Farce Dure.