L’Ostau Comengés qu’a hèit paréisher un liberet de 64 paginas sus la heada e lo pastoralisme dens los Pirenèus Centraus, entà acompanhar la lor mustra sus la medisha tematica.

« Aqueth liberet de 64 paginas hòrt illustrat qu’acompanha la mustra deu medish nom, concebuda per Eth Ostau Comengés dens l’encastre deu projècte europenc Viva Tramontana, entà valorizar lo patrimòni culturau immateriau de las montanhas d’Euròpa. Gessit d’un estudi de l’environament agropastorau en Coserans, Comengés, Varossa, Quate Vaths e Bigòrra, qu’essaja de compréner e de har conéisher l’armonia d’aquera societat eretada deus nostes ajòus.
Aquera publicacion que s’adreça aus eslejuts, ensenhaires, actors culturaus o simples ciutadans deu noste territòri qui volerén saber mei sus aquera civilizacion e qui son conscients de la grana valor d’aqueth patrimòni culturau e de las incidéncias beneficas qui pòt aver suu ligam sociau, l’economia toristica, lo desvolopament durable, l’educacion... » - Eth Ostau Comengés

Tà’n saber mei