Títol : Escambilingüe
Quan : dissabte 18 de mai 2019
On : Sabres (40)
Adreça : Ecomusèu de Marquesa
Organizator : Òc-Bi Aquitània
Tà'n saber mei

 

Lo dia que s'obrirà dab escambis enter pairs e mairs e ensenhaires. Puish que s’i preved talhèrs artistics entaus mainatges, e ua presentacion de las accions culturaus de l’EPCC CIRDOC-Institut occitan de cultura en direccion de las classas, en especiau de l’utís DaquíDòc, dab Marie-Tatiana Martin.

Lo vrèspe, que i aurà un talhèr d’iniciacion a la dança e un talhèr cant pairs e mairs-mainatges ; que’us seguiràn ua conferéncia sus Alienòr d’Aquitània dab Katy Bernard, e escambis dab los escolans e los professors qui an tribalhat de cap ad aqueth personatge istoric dab Maude Puech e Nadège Péo.

La serada que’s debanarà dens l’encastre de la Nueit deus Musèus a l’Ecomusèu de Marquesa. Ad aquera escadença, las animacions deu musèu que seràn accessiblas : https://www.marqueze.fr/programmation/evenement/936-journee-gasconne-nuit-des-musees.html
Que s’i preved ua serada poetica animada en especiau per Isabeu Lobèra e Sèrgi Mauhourat. Un bal qu’ei tanben previst tà la fin de la serada dab Lo lop e la lèbre.

Las inscripcions que’s pòden har dinc a dissabte 11 de mai.

Tà’n saber mei sus Escambilingüe : http://escambilingue.free.fr/