Las Jornadas Occitanas que son accions de sensibilizacion a l'occitan au près deus liceans de la Region Navèra Aquitània, comanditadas per l'Òplo (Ofici public de la lenga occitana) e organizadas per l’EPCC CIRDOC-Institut occitan de cultura.

Sandrina Salas, professora d’occitan au Licèu Arnaut Danièl a Rabairac (24), e Annie Subrenat, professora documentalista, qu’organizan animacions pedagogicas diluns 13 e dimars 14 de mai 2019 dab, tà hiu conductor, l’installacion de la mustra de l'ÒPLO sus l’occitan, « L’Occitan, qu’es aquò ? », presentada tota la jornada dens lo CDI deu licèu.

Ací devath, los visuaus de l’eveniment, produsits peu CIRDOC-Institut occitan de cultura e l’Atelier In8 :

Jornadas1Jornadas2

Tot deu long de la jornada deu dimars que s’i harà divèrs eveniments : visita guidada de la mustra dab Olivier Pijasson (IEO24-Novelum), concèrt-bal sauvatge deu grop MoizBat’, conferéncia sus l’emplec occitan dab Maria Lavit (ÒcTele) e Laurent Labadie (Companhia Lilo).
Lo menut de la setmana au refectòri que serà arrevirat en lemosin entà perméter ua visibilitat hòrta de l'occitan pendent la setmana.

La jornada sancèra que serà filmada per ÒcTele.

Entà perlongar l’eveniment, l’establiment qu’a previst ua iniciacion dança lo diluns dab lo duo Lo Clapat ; Etienne Roux qu'a tanben organizat ua serada d’omenatge a Joan Ros lo dimars ser, ubèrta a tots los publics. Que s’i preved cantas e contes dab Francis Gervaise e Joan Ganhaire, Los Zinzonaires (reformats ad aquesta escadença) e Peiraguda. Ça-vietz numerós !