Bidache Culture que hè sortir lo son darrèr obratge, Au fil de la Bidouze – Contes Charnegous (en dus tòmes). Aqueth recuelh de contes trilingüe gascon, francés e basco qu’ei un tribalh collectiu enter autors e pintres.

« La Bidosa qu’ei ua arribèra plea de charmes qui pren la soa mair dens lo Massiu de las Arbalhas, en País basco e que fenís lo son camin en se getar dens lo flumi Ador, a Guishe, en país gascon. Los autors que’ns prepausan de seguir l’arriu capvath en companhia d’un guit, d’ua agla o de joens mainats atalentats de natura.
Aqueths èstes imaginaris que s’estancan dens vilatges hòrt vertadèrs, banhats per la Bidosa. Qu’invitan atau los joens lectors e los lors pairs e mairs a viéner vesitar lo « país sharnègo », nom balhat peus abitants au lor territòri, qui mescla la cultura gascona e la cultura basca.
Los autors e illustrators qu’an volut hicar en valor la riquessa deu lor beròi país per ua arrevirada sinoptica en basco e en occitan, qui permet de seguir los espleits deus lors eròis en medish temps dens las tres lengas. » - Bidache Culture

Tà'n saber mei