Per la tresau annada escolara consecutiva, la Delegacion Academica a las Arts e a la Cultura (DAAC) de l’Academia de Bordèu en partenariat dab l’Etnopòle CIRDÒC-Institut occitan de cultura que renovèlan lo lor partenariat d’Educacion Artistica et Culturau a l’entorn deus patrimònis occitans. En 2018/2019 pas mensh d’onze projèctes distribuits per Navèra Aquitània sancèra qu’estón hicats en plaça. En tot desempuish 2016, qu’avem realizat 25 projèctes sus l'ensemble deu territòri de l'academia de Bordèu !

Entà la mesa en plaça d’ua trajectòria EAC occitana, los ensenhaires que dispausan de l’acompanhament e de las competéncias d’ingenheria deu CIRDÒC - Institut Occitan de Cultura, e de la professora referenta entà l'occitan en Navèra Aquitània. Aquera accion que s’adreça tanben en especiau aus escolans non occitanofònes. De mei que podem acompanhar projèctes deu prumèr grad !

 

S’ètz ensenhaire deu segondari e que’ns desiretz juntar a la rentrada escolara 2019/2020 entà miar ua accion EAC :

Qu’avetz dinc au 17 de junh entà vs’inscríver a la ficha accion « Víver la cultura occitana » suu site deu rectorat de Bordèu :

http://cache.media.education.gouv.fr/file/musee-patr/55/1/6vivre_la_culture_occitene_patrimoine_1122551.pdf

 

E voletz descobrir l’ensemble deus nostes projèctes ? Anatz tau noste site Daquidòc : http://www.daquidoc.org/fr/mon-peac/m-inspirer

Entà mei d'informacions, no’vs sia grèu de contactar a :

Marie-Tatiana Martin
Responsabla educacion artistica e culturau – Mediacion numerica
CIRDÒC-Institut Occitan de Cultura
mt.martin[at]oc-cultura.eu
05 59 13 06 40

Maude Puech
Professora-referenta entau patrimòni occitan en Navèra Aquitània
Cette adresse e-mail est protégée contre les robots spammeurs. Vous devez activer le JavaScript pour la visualiser.