Aqueth MOOC (formacion obèrta en linha) consacrat a la literatura e la cultura occitana a l'Edat Mejana qu'estó concebut per Katy Bernard, Mèstra de Conferéncia en occitan. Editat peu prumèr còp en 2015, que s'i escadè de plan, e qu’estó dongas decidit de'u tornar hicar en linha.

Sheis setmanas de seguida, aquera formacion que permeterà de descobrir los trobadors de l'Edat Mejana a travèrs las lors cançons. Que s’i harà vàler quin aqueths poètas deu sègle XIIau, en tornant inventar l'amor, an revolucionat l'imatge de la dauna e quin, a bèths còps en·hastiats per la societat deu lor temps, cantèn la lor rauja e lo lor desespèr.

Aqueth MOOC que s'adreça a tots los qui s'interèssan au subjècte. Hòra ua curiositat tau subjècte, nat prerequesit n'ei exigit tad aqueth cors.

Katy Bernard qu'ei Mèstra de Conferéncias en occitan a l'Universitat Bordèu Montaigne. Qu'ei especialista de l'occitan modèrne e medievau, mei precisament deus tèxtes literaris (la lirica deus trobadors, romans e novèlas) e non-literaris (astrologia, divinacion, magia) de l'occitan ancian. Atau medish, qu’ei presidenta de l'associacion Trobadas, dont la tòca màger ei la defensa, l'illustracion e la promocion de la literatura deus trobadors dab manifestacions scientificas e culturaus. Qu'ei tanben presidenta de l'InÒc Aquitània.

Inscripcions dinc au 27 de març 2016.

Tà'n saber mei