Títol : Serada de sostien Art'Òc
Quan : dissabte 29 de junh 2019
On : Castèth de Croselhas (64)
Organizator : Association Art'Òc
Tà'n saber mei

 

L'associacion Art'Òc que prepara la realizacion de la seria «Pelòt». Que contarà las aventuras deu legendari bandolèr bigordan de las prumerias deu sègle XIXau qui raubava aus mei rics entà balhar aus mei praubes. Lo pilòt que serà rodat au ras de Madiran lo 8 de julhet.

Ua serada de sostien qu'ei organizada lo 29 de junh au Castèth de Croselhas (64). Au programa, passejada contada peu Daniel Cabarry e talhèr literari obèrt a tots. La mustra fotografica «Arcencam» d'Arnaud Cassagnet que serà desvelada au public. Que s’i presentarà la seria «Pelòt» en preséncia deus creators e deus actors. Joan-Miquèu Espinassa que perpausarà lo son espectacle «Carlamusas taus nuls». La serada que s'acabarà en musica dab lo concèrt de las Hilhas deu Vent e un bal gascon animat peu grop Hont Hadeta.

Tà descobrir lo programa sancèr: https://www.facebook.com/events/2227464744009770/

Entà produsir l'episòdi pilòt, l'associacion Art'Òc qu'a aviat ua campanha de finançament participatiu : https://www.proarti.fr/collect/project/pelot/0