L’Universitat Occitana d’Estiu de Nimes, organizada per la MARPÒC dab lo sostien deu CIRDOC-Institut occitan de cultura, qu’aurà tà tematica augan « Libertat e Diversitat », deu 6 au 10 de julhet.
Que prepausarà talhèrs de cantas, conferéncias, taulas redonas, concèrts, cabarets literaris…
Lo programa sancèr de l’UOE de Nimes (30) : https://www.ieo30.org/marpoc/

L’Universitat Occitana d’Estiu de La Guépia qu’ei organizada per l’associacion Lenga Viva e que’s harà deu 9 au 14 de julhet.
Que s’i preved cors de lenga, conferéncias, projeccions, concèrts, bals, un sarròt de talhèrs e d’estagis (danças, creacion musicau, acordeon diatonic, cantas, fabricacion d’instruments, escritura, apropriacion de l’art…), passejadas...
Lo programa de l’UÈO de La Guépia (82) : http://lengaviva.com/universitat-occitana-de-la-guepia-2019/?lang=fr

Los Rescòntres occitans en Provença, prepausats per l’IÈO-CRÈO Provença, que’s debanaràn deu 29 de julhet au 4 d’aost a Sant Joan Sant Nicolau (05).
Que vs’i espèran talhèrs hèra variats (lenga, sòciolingüistica, canta, musica, dança, cultura e civilizacion, cosina, toponimia, acordeon, escriut e oralitat, patrimòni, bilingüisme...), cafès occitans, contes, encontres, bals…
Lo programa deus Rescòntres : https://www.facebook.com/134619037141284/photos/a.173902023212985/378795142723671/?type=3&theater

Tà fenir, la 45au Escòla Occitana d’Estiu, organizada per l’IÈO 47, que’s harà deu 11 au 17 d’aost a Vilanuèva d’Òut (47).
Que prepausarà cors de lenga, talhèrs, conferéncias, espectacles, activitats entaus mei joens…
Lo programa de la 45au Escòla Occitana d’Estiu : http://eoe-oc.org/