Títol : Hèstas de Dacs
Quan : deu 14 au 18 d’aost 2019
On :
Dacs (40)
Tà'n saber mei

 

 

Las Hèstas de Dacs que son enter las mei consequentas de Gasconha, l’un deus moments màgers deu cicle hestiu – vertadèr rite de passatge – de las joenas generacions dab las hèstas de Baiona e las deu Mont. Vadudas a l’entorn de la celebracion religiosa de l’Assompcion e de corsas de vacas ditas landesas e de taures, que’s hèn de cap au 15 d’aost e qu’arcuelhen, cinc dias e nueits de seguida, haut o baish 600.000 participants.

Lo sarròt d’animacions, apariadas tanben de divèrs concèrts, non son totun pas que l’ua de las compausantas de las hèstas qui son tanben, e lhèu prumèr, hèstas de carrèras, de dias e mei enqüèra de nueits, dont lo motor es la convivialitat collectiva hèita per deambulacions, estancs aperitius e repaishs. Carrèras e cafès que son animats, per çò de la musica, per las bandas.

Las hèstas de Dacs sus Sondaqui : http://sondaqui.com/oc/Hestas-patronaus/dacs