Títol : 42au Hestejada de las Arts d'Usèste Musicau
Quan : deu dissabte 17 au dissabte 24 d'agost de 2019
On : La Rèula, Escaudas, Luc Mau, Pompejac e Usèste
Organizators : Cie Lubat de Jazzcogne e l'associacion Uzeste Musical visages villages des arts à l'œuvre
Tà'n saber mei

La 42au Hestejada de las Arts d'Usèste Musicau, imaginada per la Cie Lubat de Jazzcogne que's harà deu 17 au 24 d'agost. Capvath los concèrts, los bals, las projeccions, los debats, encontres, la poesia, la dança, lo teatre e la pirotecnia, l'objectiu qu'ei de hicar en valor l'art de l'improvisacion. Los temps hòrts deu hestau que son lo 18 d'agost dab l'espectacle « Bernard Manciet, notre poète gascon » dab Isabelle Loubère (tèxte e canta) e Valentin Laborde (sonsaina) a la glèisa d'Escaudas, e lo 23 d'agost, dab la representacion deu comedian Jacques Bonnaffé e lo son complici lo saxofonista François Corneloup tà « Le drame burlex en matériau d'époque ». Bernard Lubat, creator de la Hestejada de las Arts en 1978, que presentarà lo son espectacle « Bernard Lubat... musicaument parlant » a l'entorn de la musica jazz sus tèxtes umoristics e plen d'umanitat.

Aquesta navèra edicion que s'installarà a La Rèula, Escaudas, Luc Mau, Pompejac e Usèste.

Entà'n saber mei : http://www.uzeste.org/accueil/42e-hestejada-de-las-arts-duzeste-musical/