Hèsta

Dens l’encastre de las Jornadas Europèas deu Patrimòni, los Archius Departamentaus deus Pirenèus Atlantics, en partenariat dab lo CIRDÒC-Institut occitan de cultura e Carnaval Pantalonada, que prepausan un eveniment hestiu a l’entorn deus fons patrimoniaus e de la cultura bearnesa.

Los vrèspes deus 21 e 22 de seteme, animacions que son previstas au Parlament de Navarra, dab ua presentacion de la cultura hestiva locau miejançant los fons d’archius (documents iconografics, manuscrits, imprimats, documents àudio…). Ua mustra realizada per Rémy Duprat a l’entorn de Carnaval e de la hèsta en Bearn que serà tanben presenta.

Que i serà associada la preséncia d’artistas e d’actors deu monde associatiu locau, Carnaval Pantalonada e Amistanza / Amistança :
Dissabte 21 de seteme :
- 15 h Pau lo tiau, dança de bastons de la companhia Crestian Josuèr
- 16 h Talhèr de manipulacion de gigants dab Will Poutonnet
- 17 h Bal dab Bal Brut
Dimenge 22 de seteme :
- 15 h Pau lo tiau
- 16 h Talhèr de manipulacion de gigants

Dens aqueth encastre, aus Archius Departamentaus, la jornada deu divés 20 de seteme que serà dedicada aus escolans dab ua mustra realizada per Rémy Duprat, e dus talhèrs organizats per Crestian Josuèr (presentacion d’instruments tradicionaus bearnés, iniciacion au cant, a la dança e a la musica) e lo Cap’Òc (còrn lectura, valisa pedagogica).

A l’escadença de las Jornadas deu Patrimòni, que s’i preved un sarròt d’eveniments en Occitania e aulhors. Que podetz consultar tota la programacion ací : https://journeesdupatrimoine.culture.gouv.fr/

Títol : Jornadas Europèas deu Patrimòni – Hèsta deus Archius a Pau
Quan : deu 20 au 22 de seteme 2019
On :
Pau (64)
Organizator : Archius Departamentaus deus Pirenèus Atlantics, CIRDÒC-Institut occitan de cultura, Carnaval Pantalonada
Tà'n saber mei