Títol : 8au edicion deu hestau Mascaret
Quan : deu dissabte 28 de seteme au dissabte 9 de noveme 2019
On :
Gironda (33)
Organizator : Ostau Occitan
Tà'n saber mei

 

Mascaret que torna entà la soa ueitau edicion en Gironda. Lo hestau que vòu tornar har valer la lenga e a la cultura occitana en Gironda. Entad ac har, un trentenat d'eveniments que's haràn dens divèrsas vilas deu departament.

Que n'i aurà tà tots, bal tradicionau dab Lo Bal del Lop (28 de seteme a Bordèu), conferéncias com la de François Bouquier sus « Las costumas de Bordèu » (1èr d'octobre au cafè associatiu Le Petit Grain), teatre dab l'espectacle consacrat a l'escrivan Bernat Manciet per la Companhia deu Parler Noir (3 d'octobre a Bordèu) e la representacion de la companhia Nordack dab la pèça « L'òme que plantava daus arbres », un espectacle bilingüe a partir de nau ans (Sala de France a Peçac). Qu'auratz l'escadença de descobrir filmes en occitan au cinèma dab la projeccion de « Au miei de las vacas » de Patric La Vau (4 d'octobre a Peçac) e « Brendan e lo secret de Kells » (6 d'octobre a Cadilhac). Un marcat occitan que's harà a Bordèu lo 19 d'octobre dab ua visita de la vila qui'vs serà perpausada per Julien Pearson en lenga nosta. Un bal tradicionau qu'animarà la plaça deu marcat dab Lo Lop e la Lebre. La Calandreta de la Dauna en collaboracion dab l'Estaca, l’aròu occitan de Peçac, qu'organizaràn lo 3 de noveme ua Garburada. Que'vs calerà reservar la plaça au 06 88 17 27 28.

Programa sancèr : https://ostau-occitan.org/mascaret-festival-occitan-de-bordeaux-8eme-edition-du-21-09-au-09-11