Títol : Lo Capítol de l'abòr a Lanas
Quan : dissabte 5 d'octobre 2019
On :
Lanas (40)
Organizator : Academia gascona Baiona-Ador
Tà'n saber mei

 

L'Academia gascona Baiona-Ador que s'a balhat tà objectiu de mantiéner la practica, de sauvaguardar la lenga occitana gascona e de n'assegurar la soa difusion. Entad ac har, qu'organiza cada trimèstre un « capítol ». Au moment d'aquera sesilha publica, los academicians que s'exprimeishen en occitan sus subjèctes d'actualitat o non, a prepaus de l'istòria locau, la literatura, la vita vitanta, etc. Lo capítol de l'abòr que's harà a Lanas lo dissabte 5 d'octobre. Duas navèras academicianas que seràn intronizadas. L'eveniment culturau que serà animat per ua cantèra e que's fenirà per un sopar gascon entau quau e cau reservar plaças.

Entermiei de las soas activitats, l'Academia que participa a l'animacion d'espectacles au torn de la cultura e de la lenga occitana a Baiona e au Baish Ador, que perpausa de realizar arreviradas a demanda e qu'edita la revista trimestriau « L'Armanac capítol ».